¡Acércate a Arenys!
(espanyol)
Adpete Arenys
(llatí)
Averate a Arenys!
(asturià-bable)
¡Amana-te ta Arenys!
(aragonès)
Arriba't a Arenys
(català)
Arriba-te en Arenys
(occità-aranès)
Come to Arenys!
(anglès)
Chum uf Arenys!
(suís-alemany)
Bari Galust Arenys
(armeni)
Kom naar Arenys!
(holandès)
Komm nach Arenys!
(alemany)
Kom til Arenys!
(norueg)
Kom till Arenys!
(suec)
Hurbil zaitez Arenysera!
(basc)
Odwiedzcie Arenys
(polonès)
Tervetuloa Arenyssiin!
(finès)
Ven a Arenys!
(gallec)
Venha a Arenys!
(portuguès-brasiler)
Venu al Arenys
(esperanto)
Vieni ad Arenys!
(italià)
Viens à Arenys!
(francès)



titolet.gif (1572 bytes)

 Arenys de Mar ye uno d'os prenzipals monezipios d'a redolada d'o Maresme. O puerto de Arenys, por muitos años l'unico en toda la costa norte de Barzelona, ye l'exemplo más esplatero d'a larga istoria y tradizión marinera d'a billa. As plachas enmarcadas por tozals que plegan dica o mar son un anunzio d'a bizina Costa Brava.  

Vista des del Cementiri

Arenys no ye ni mui lexos ni mui zerca de garra puesto. Barzelona ye a 40 km por a carretera N-II u l'autopista A-19. O tren redolar (linia C-1) fa o trayeuto dica la barzelonesa Plaza de Catalunya en 50 menutos. A carretera B-511 mantiene as comunicazioes a trabiés de Collsacreu con l'autopista A-7 (esbarre de Sant Celoni). O mazizo d'o Montseny ye muito amanau y tamién os parques naturals d'El Corredor y El Montnegre. Girona ye a 60 km y Montserrat a 1 ora en auto. L'aeropuerto de Barcelona ye a 56 km y o de Girona-Costa Brava a 40 km. 

Imatge de aerea A pesca y toda la industria que i crexe arredol d'o puerto son os grandes motors economicos d'a billa. Ye o puerto más importán d'o Maresme y conzentra cuasi toda la flota pesquera d'a redolada. O releo d'o pescau, que se i fa cada tardada cuan en tornan as barcas, ye un espeutaclo pintorenco que atraye a muitos besitans.  

O puerto tien un gran espazio adedicau a las embarcazions esportibas. En l'estiu muitos belers, en as suyas singladuras mediterranias, fan escala en Arenys. Os astillers continan estando una industria importán. 
La Riera ye o zentro comerzial y exe de toda l'autibidá local. O Mercau, un esplendiu y funzional edifizio modernista, ye ubierto toz os maitins y as tardis d'os biernes. En o suyo interior o rebolizio de chen y l'autibidá son cutianos.

La Riera davant de l'Ajuntament (Foto Bertran)

Os sabados o trachín comerzial se'n treslada ta toda la Riera an s'istala, por toda la maitinada, o mercau semanal. 

Els Gegants a la Plaça de l'Ajuntament

 Ye Fiesta Mayor por San Zenón (9 de chulio) y por San Roque (16 d'agosto) y por San Chuan (24 de junio) se zilebra la Feria d'o Solstizio d'Estiu.  

Arenys ye capital d'o suyo partiu chudizial. Tiene dos importans zonas industrials en desembolique de promozión publica y pribada. L'agricultura ha perdiu espazio as zagueras añadas pero lo cautibo d'a güerta se'n mantiene.  

Arenys de Mar tiene un Istituto de Bachillerato, una Escuela Superior d'Abicultura, una Escuela de Mosica y bellas escuelas de randero (u labor de bolillos).
A ufierta toristica ye prou dibersificada. O lugar tien un unico otel, l'Activ-Carlos I y bi ha bellas pensions. En estiu ye muito fazil y economico logar un apartamento. Els Banys de Can Titus tienen más de doszientos años d'istoria . Agora son un moderno y modelico balniario d'auguas menero-medezinals de composizión clorada sodica.  

Arenys reculle diyariamén a besita de zentenars d'escolars y numerosas escursions de chubilaus. Os atrautibos artisticos y molimentals, os museyos, o puerto y tot o que rodía a o mito de Sinera, creyau por Salvador Espriu, son buenos argumentos ta amanar-se-ne ta Arenys. Os cabos de semana son muitos os que bienen ta la billa nomás que ta fer-se una buena chenta.  

L'atrautibo d'as plachas d'Arenys ye dople: d'un canto a suya amplaria y d'atro l'arena gruesa que las cubre (Platja de Cabaió). Ta os que prefieren a mosquera, la billa ufre o parque de Lourdes y a posibilidá de petenar por os numerosos camins y rials que redolan o monezipio. 
Cementiri de Sinera. La Pietat de Llimona. Dentro d'o casco urbano bi ha bels puestos de besita obligada. A ilesia parroquial de Santa María tiene uno d'os retablos barrocos más importans de Catalunya, costruyiu en primerías d'o sieglo XVIII por l'escultor Pau Costa. En a parti alta d'a carrera d'a Ilesia ye o Museu Marés de la Punta (adedicau t'o randero) y o Museu Mollfulleda de Mineralogia (con importans colezions de minerals).  

A os costaus d'a parti baxa d'a Riera s'amagan un puyal de cantons urbanos y casas de notable polideza. O recorriu por iste laberinto de carreras tiene goyosas recompensas. S'alzan encara bellas torres d'esfensa construyidas contra la piratería.  

O fosal d'Arenys ye un exemplo carauteristico d'os fosals marinos mediterranios. Ye enclabau en a tuca d'o Turó de la Pietat, a ponién d'a poblazión, dende do se tien una embista prebilexiada de tot o puerto y o casco urbano. Salvador Espriu lo tornó en mito literario con a obra poetica Cementiri de Sinera.

Continaz besitando a nuestra web y demandando-mos cualsiquier aclarazión u informazión complementaria que amenistez sobre Arenys.

bersión en aragonés feita por CRICA