Chum uf Arenys!

¡Acércate a Arenys!
(espanyol)
Adpete Arenys
(llatí)
Averate a Arenys!
(asturià-bable)
¡Amana-te ta Arenys!
(aragonès)
Arriba't a Arenys
(català)
Arriba-te en Arenys
(occità-aranès)
Come to Arenys!
(anglès)
Chum uf Arenys!
(suís-alemany)
Bari Galust Areny
(armeni)
Kom naar Arenys!
(holandès)
Komm nach Arenys!
(alemany)
Kom til Arenys!
(norueg)
Kom till Arenys!
(suec)
Hurbil zaitez Arenysera!
(basc)
Odwiedzcie Arenys
(polonès)
Tervetuloa Arenyssiin!
(finès)
Ven a Arenys!
(gallec)
Venha a Arenys!
(portuguès-brasiler)
Venu al Arenys
(esperanto)
Vieni ad Arenys!
(italià)
Viens à Arenys!
(francès)

Willkomme i eis vo de traditionellschte Fischerdörfer vo de Costa Brava. Arenys de Mar isch eis vo de wichtigschte Ort i de Gägend vom Maresme. De Hafe vo Arenys isch während villne Johr de einzigi gsi i de ganze Nordküschte vo Barcelona. Das zeigt wie alt die Gschicht und d'Fischertraditition vo dem Schtädli isch. D'Schtränd wo vo Hügel iigrahmt sind, wo bis zum Meer abechömed chündet die benachbarti Costa Brava a.

Vista des del Cementiri

Arenys liit net sehr wiit aber au net sehr nöch. Es isch 40 km vo Barcelona entfernt und isch über d'Nationalstross N-II oder über d'Autobahn A-19 erreichbar. De Regionalzug (Linie C-1) bringt eim zur Plaça Catalunya im Zentrum vo Barcelona i 50 Minute. D'Hauptstroos B-511 verchnüpft Cossacreu mit de Autobahn A-7 (Usfahrt Sant Celoni). S'Montseny-Massiv isch ganz i de Nöchi und die beide Naturpärk El Corredor und El Montnegre sind au nume es paar Schrittli entfärnt. Girona isch 60km entfärnt und wemmer Montserrat will gseh, settmer en Stund Autofahrt iikalkuliere. De Flughafe vo Barcelona isch 56 km entfärnt und de vo Girona-Costa Brava 40 km.

D'Fischerei und die ganz Industrie wo sich um de Hafe ume entwicklet, sind die grosse wirtschaftlichi Aatriibsmotore vom Staedtli Arenys de Mar, schliesslich isch er au eine vo de wichtigschte Häfe im Maresme; denn do konzentriert sich praktisch die ganzi Fischereiflotte vo de Gägend. De Fischmärt wo jede Namittag stattfindet, wenn d'Boot zruggchömet isch es lebändigs Ereignis, wo mer eifach muess gseh ha.

Im Hafe hetts vill Platz für Jachte. Vill Sägelboot setzed dett ihri Anker, wenn's amigs en Pause iilegged während ihrne Mittelmeerfahrte im Summer. D'Werfte sind wägedem immer no en wichtigi iiheimischi Industrie.

D'Riera isch s'Gschäftszäntrum und de Mittelpunkt vom gsamte iiheimische Tue. De Märt isch imene iidrückliche und funktionale Gebäude im Jugendstil. Er hett jede Morge offe und am Friitig au am Namitag. Au da find mer en sehr lebändigi Gsellschaft.

La Riera davant de l'Ajuntament (Foto Bertran)

Amigs am Samstig verteilt sich s'gschäftliche Triibe i de ganze Riera, dett isch nämli Wuchemärt agseit bis fascht am 2 am Namitag.

Els Gegants a la Plaça de l'Ajuntament

Es gitt Dorffäscht zum St. Zenon (9. Juli) und zum St. Roc (16. August) und denn hett's no en Johrmärt zum Johannisfäscht Sant Joan (24. Juni).

In Arenys isch de Sitz vom zueschtändige Bezirksgricht. Die zwei wichtigschte Industriezone wärdet öffentlich und privat verwaltet. D'Landwirtschaft hett i de letschte Johr abgnoh, ned aber de Gmües- und Obschtabau.

Arenys de Mar hett es Gymnasium und es Inschtitut für Gflügelzucht (Escuela Superior de Avicultura), en Musigschuel und anderi Schuele, wo mer die alti Kunst vo de Spitzeklöpplerei lerne chan.

Für Tourischte hett's verschidini Aagebot. Näbscht eim Hotel Activ-Carlos I und es paar Pensione, gitt's vor allem während de Summersaison d'Möglichkeit, Appartements sehr günschtig z'miete. D'Bäder Banys de Can Titus hend en über zweihundertjöhrigi Gschicht hinter sich. Hütt isch es es modärns Kurhuus mit Medizinal-Mineralwasser.

Tagtäglich wird Arenys vo Schuelklasse und villne Seniore wo i ihrne Usflüügsbuss areiset, bsuecht. All die künstlerische und monumäntalä Aziygspünkt, d'Musee, dr Hafe und eigentlich alles was de vom Dichter Salvador Espriu gschaffene Mythos vo Sinera umgitt, sind schlagchräftigi Argumänt um uf Arenys z'cho. Am Wuchenänd fahred vill Lüüt is Schtädtli au zum eifach mal guet z'ässe.

D'Schtränd vo Arenys sind sehr iiladend, wäg dem körnige Sand wo's hend (Platja del Cabaió) und will's sehr wiitläufig sind. Für diejenige, wo de Schatte suechet bietet de Park vo Lourdes und die ville Wägli und Pfäd i de nöche Umgäbig sehr agnehmi Spazierwäg.

Cementiri de Sinera. La Pietat de Llimona.

Im Stadtzäntrum hett's einigi sehenswürdigi Gebäude. I de Pfarrchile Santa Maria chamer eis vo de bedütenschte barrocke Altarbilder vo Katalonie gseh. Es isch vom Bildhauer Pau Costa afang 18. Johrhundert gmacht worde. Am Ändi vo de Chilestrooss befindet sich s'Spitzemuseum vo Marés (Museu Marés de la Punta) und s'Mineralogiemuseum vo Mollfulleda (Museu Mollfulleda de Mineralogia), wo en asehnlichi Sammlig cha bewunderet wärde.

Linggs und Rächts vo de Riera chamer sehr schöni Winkel und Hüüser entdecke. Also es würkli spannends Netz vo chliine Ströössli, ohni dass mer sich würd verlüüre. Einigi vo de Türm, wo baut worde sind zur Verteidigung gäge d'Pirate sind hütt sogar no erhalte.

De Friedhof vo Arenys isch es typischs Biispiel für d'Seefriedhööf vom Mittelmeer. Er liit westlich ufem Turó de la Pietat, uf Schwyzerdüütsch: de Hügel vom Erbarme. Vo dette us chamer en traumhafti Ussicht uf de Hafe und de Stadtchärn gnüsse. Salvador Espriu hett ihn ahand vo sim poetische Wärch Cementiri de Sinera in en literarische Mythos verwandlet.