¡Acércate a Arenys!
(espanyol)
Adpete Arenys
(llatí)
Averate a Arenys!
(asturià-bable)
¡Amana-te ta Arenys!
(aragonès)
Arriba't a Arenys
(català)
Arriba-te en Arenys
(occità-aranès)
Come to Arenys!
(anglès)
Chum uf Arenys!
(suís-alemany)
Bari Galust Arenys
(armeni)
Kom naar Arenys!
(holandès)
Komm nach Arenys!
(alemany)
Kom til Arenys!
(norueg)
Kom till Arenys!
(suec)
Hurbil zaitez Arenysera!
(basc)
Odwiedzcie Arenys
(polonès)
Tervetuloa Arenyssiin!
(finès)
Ven a Arenys!
(gallec)
Venha a Arenys!
(portuguès-brasiler)
Venu al Arenys
(esperanto)
Vieni ad Arenys!
(italià)
Viens à Arenys!
(francès)

Arenys nun ta nin mui llueñe nin mui cerque de dengún llugar. Barcelona ta a 40 Km. pela carretera N-II o l'autopista A-19. El tren de cercaníes (llinia c-1) fai el trayeutu fasta la Plaza Catalunya en 50 minutos. La carretera B-511 caltién las comunicaciones al traviés de Collsacreu cola autopista A-7 (salida Sant Celoni). La xerra del Montseny ta mui prósimu y tamién los parques naturales de El Corredor y El Montnegre. Girona ta a 60 Km. y el Montserrat a 1 hora en coche. El aeropuertu Barcelona ta a 56 Km. y el de Girona-Costa Brava a 40 Km.

El puertu tien un gran espaciu adicáu a les embarcaciones deportives. Durante'l branu munchos veleros, nes sos singladures mediterránies, fain escala n'Arenys. Los astilleros continúen siendo una industria importante.

Los sábados, el traxín comercial traslladase a tola Riera, aú s'instala durante tola mañana'l mercáu selmanal.

Arenys ye cabezalera del so partiu xudicial. Tien dos importantes zones industriales en desarrollu, de promoción pública y privada. L'agricultura tien perdiu espaciu nos años caberos, pero'l cultivu de la güerta caltiense.

Arenys de Mar tien un Institutu de Bachilleratu, una Escuela Superior d'Avicultura, una Escuela Música y varies escueles d'encaxe de bolillos.

Arenys recibe diariamente la visita de centenares d'escolinos y numberoses escursiones de xubilaos. Los atractivos artísticos y monumentales, los museos, el puertu y too lo qu'arrodia al mitu de Sinera, creao por Salvador Espriu, son bonos argumentos p'averase a Arenys. Les fines de selmana son munchos los que vienen a la villa cenciellamente a facer una bona xanta.

L'atrautivo de les playes de Arenys ye doble, per un llau son perlluengues y per otru el sable gordo que les cubre (Platja de Cabaió). Pa los que-yos presten los espacios solombriegos, la villa ufierta el parque de Lourdes y la posibilidá de pasear pelos numberosos caminos y rials que circunden el conceyu.

Na parte alta de la cai de l'Ilesia ta'l Muséu Marés de la Punta (adicáu al encaxe de bolillos) y el Muséu Mollfulleda de Mineraloxía (con importantes colecciones de minerales).

A dambos llaos de la parte baxa de la Riera escuéndense un sin fin de requexos urbanos y cases enforma guapes. El recorriu per esti llaberintu de cais tien prestoses recompenses. Caltienense aún dalgunes torres de defensa construyíes escontra la piratería.

El cementeriu d’Arenys ye un exemplu carauterísticu de los cimenterios marinos mediterránios. Ta allugáu nel cume del Turó de la Pietat, a poniente de la población, dende onde se tien una vista privilexada de tou el puertu y el cascu urbanu. Salvador Espriu convirtiolu en mitu lliterariu cola obra poética Cementiri de Sinera

Continuai visitando la nuestra web y solicitainos cualisquier aclaración ó información complementaria que necesiteis sobre Arenys.

Esti testu foi traducíu al asturiano por Monchu Fernande y Xose Anton S. Puente.